Roz ki trah aaj bhi maa nai subhe aaawaz lagai beta uthja kuch khale din bhar tu yuh laga rehta hai, thoda dhyan khane par bhi laga. Aur mai roz ki trah thodi der aur sone do na maa, raat late soya tha..

Aur fir piche se papa, aajkal ke ladko ko ptani kya hota ja raha hai.. pehle ke log suraj nikalne se pehle uthte the aur aajkal ke ladko ko yahi nahi pta suraj kab nikal gaya.. Aur maa piche che jane bhi do na, bacha hai din bhar kaam mai laga rehta hai…

(Apna uthne ka time toh wahi subhe 11-12 muharat nikalne baad hi, agar koi dost aajaye toh alag baat hai)

Taiyar hoke sabse pehle kaam dekhna kitna progress hua aur uske baad din bhar usme hi lage rehna.. Man hi man soch rha tha ki shayad aek sapna sach hone wala hai.. Mera kaam pura hote hi mera dream pura hone wala tha..

Maine toh bhot pehle hi soch liya tha jo bhi income hogi thodi saving baki dosto ke sath ghumna firna.. aek sapna tha ki duniya ghumni hai aur yaade bnani hai magar sapna kha kisi ka pura ho pata hai..

Us din mai apne room mai baitha tha aur achanak se sar dard hone laga, pehle kabhi aesa mehsus nahi hua aur sehen kar pana toh shayad mushkil hi tha.. Maa ko btaya toh turant doctor pe legye.. Doctor nai kaha koi chinta ki baat nahi hai aur mujhe ghar jane ko bol diya..

Dheere Dheere aesa lagne laga jyese sar dard ki aadat si hogai ho, ptani kyu na dawai ka asar na kuch samjh aata.. Fir aek din papa nai mujhe bulaya aur pucha, beta mujhe sach sach btana tujhe khushi kis cheez mai milti hai.. Maine kha mera toh man karta hai dosto ke sath bhar jakar nai jagah mai ghumu aur khoob enjoy kru…

Us din shayad papa hi papa ko aesa dekha ki agar aaj Taj Mehel bhi manglu toh wo lake dedenge.. Papa nai kha le yeh paise din bhar bas kaam kaam ja apne dosto ke sath ghum kea a thode din.. Mano jyese meri khushi ka thikana na tha.. Main excite hoke chillaya aur papa ko gale laga liya.. Papa nai jate jate bola magar jane se pehle mujhe un dosto se milna hai jinke sath jare ho.. Maine kha han jaroor papa aaj sham ko hi sabko bulata hun…

Mujhe khi kaam se bhej kar papa na jane mere dosto se kya kya bate karte rahe.. aur mai jyese hi ghar pohcha toh who log khoob zor zor se has rahe the.. jate jate dosto nai kha tere papa duniya ke best papa hai.. Take Care…

Mai toh bas yahi plan karta raha ki wha kya kya karna hai aur kyese kyese karna hai.. Dimag mai wo sab chalne laga jo mai karne wala tha sab dimag mai ghum rha tha..

Agle din sabhi ready the aur fir hum apni journey ki traf nikal pade.. Sabhi dost thode thake thake se lag rahe the, aur mujhe kabhi kuch khane ko kabhi kuch mano mai raja sa ban gaya hun.. Un dosto ke chahre bhi aese murjha gaye the jyese raat bhar soye na ho.. Maine pucha are yeh kya hai, na koi masti na kuch, jagaran mai ja rahe ho kya..

Fir hum gane wghra baja kar dance wghra karne lage aur jate jate time ka pta hi ni chla.. jyese hi hum pohche, wha ki jagah dekhne ke baad mera maan toh kar raha tha ki hamesha yha rahun, charo taraf badal hi badal, mano jannat mai aa gaye ho.. Mai toh chilane laga ae bhagwan mujhe badalo mai rehna hai.. Itne mai aek dost chillaya… aur fir who chup hogya..

Maine kha maine kuch galat kha kya.. fir unhone kha chlo na friends thoda ghum ke aate hai aage tak.. Hum sabhi nai hath pakad kar wha ghumna shuru kar diya.. jyese ‘Dream Comes True’.. aesa lagne laga koi jannat ki raah mai nikle ho.. Us raat shayad hi koi soya hoga ya kisi ko sone diya hoga…

Har roz hum nai jagah jate the, papa nai bhi extra paise dediye the aur bola jitna marji chahe enjoy kro.. Lekin wha aese lagne laga mujhe jyese mere alawa koi khush nahi ho.. Mere jigri yaar hai toh kyese na unhe samjh pau.. Raat ko maine sabko bulaya aur pucha, ki dekho mai janta nahi tum logo ke man mai kya chal raha hai, mujhe bilkul maza nahi aaraha jyesa maine socha tha aur yeh kya yha sirf mai hi khush nazar aa raha hunt um sabhi ke chahre itne murjhaye hue kyu hai.????

Koi bhi jawab dene ko taiyar nahi tha, Fir mai bola, meri akhri wish puri ho chuki hai tum logo ke sath ghum kar.. Tum logo nai itna dhyan rakha mujhe choti choti cheezo mai khush rakha lekin chahre pe kisi ke khushi nahi thi.. hogi bhi kyese jiska dost jane wala ho uske chahre mai khushi kyesi hogi….

Sabhi dost rone lage aur kha aesa mat bol yar, us din uncle nai humko ghar aake btaya ki tujhe brain tumor hai aur kuch din hi bache hai.. aur kha mere bête ko jitni khushi de sakte ho dena, koi kami ni karna…

Mai bola, han andar aane se pehle maine sari baate sunli thi, bas khamosh raha ki tum log mere sath maze toh karo lekin sabhi udas baithe ho jabse aaye ho, aese jane doge apne dost ko bina khush kare…

Itna bolte hi sab mere pe lipat gaye aur bolne lage jyesa tu bolega vaisa hi krenge abse koi dukhi nahi rahega… Kuch din aur ghumne ke baad hum ghar wapas aagaye.. Ghar pohochte hi papa mujhe dekh kar khush hogye, gale se laga liya.. maine bhi haste haste gale laga liya fir zor zor se rone laga.. Rota dekh papa nai kha kya hua mere bête ko, maine kha papa agle janam mai bhi mujhe yahi family chahye….

Kal ki Soch ke chla tha mai, kya pta tha mera kal hi seemit hai.. Khair aaj jo jee liya mai, ab kal ki kisko parwah..